من أد إيه واحنا
عايشين ومش عايشين ..
ضاحكين على روحنا ..
آل ايه .. كدا صابرين ..
من أد ايه واحنا
بره السجون مساجين ..
بنداوى فى جروحنا
ونمسح دموع العين ..
نصعب على غيرنا ..
والحزن يقهرنا ..
ونراضى ضمايرنا
بإن احنا مش خايفين ..
كاتمين فى قلبنا " لأ "
والصمت مننا طأ
قادرين نقول الحق
بس احنا مش قادرين
طال م الكلام خوفنا
والليل بيخطفنا
ونلوم على ظروفنا
واحنا اللى زينا مين ؟؟
احنا اللى حررنا
طوّرنا .. غيرنا
خضرنا .. عمرنا
دلوقتى ليه خايفين ؟؟
من غير نفس ولا صوت
حابسين وطـــن .. فى تابوت
خايفين نعيش لنمــوت !
فنقوم نعيش ساكتين
راضين بطين الذل
ونزيده بالخوف بل
لو جوعنا هوا الحل
أنا راضى أجوع سنتين
لو جوعنا هوا الحل .. أنا راضى أجوع سنتين
انت هتجوع سنتين بس
ردحذفدول قليلين جدا على الوضع اللى احنا عايشين فيه
كل احترامى وتقديرى ليك
ردحذفاحنا أصلا مواردنا تخلى مفيش مصرى واحد يبات ليلة من غير عشا , لكن لو عرضت على المصريين كلهم انهم يجوعوا سنة كاملة بس الوضع بعد كدا يتحسن مفيش حد هيتردد انه يفضل سنه صايم
نورت البلوج يا درويش وتحياتى ليــك
دا من باب باجى اجف اجع
ردحذفحقك تهرتل : من حقى مفهمش انت تقصد ايه
ردحذفلكن على العموم نورت البلوج